Pastor Myamba: Waigizaji Ndio Wanaua Soko la Filamu

Muigizaji mahiri wa filamu Bongo, Emmanuel Myamba maarufu kwa jina la Pastor Myamba ameitaja sababu ya kushuka kwa soko la filamu nchini kuwa ni kutokana na wasanii wenyewe.

pastor-myamba1

Muigizaji huyo amekiambia kipindi cha Ulimwengu wa Filamu cha TBC 1 kuwa wasanii wamekuwa wakipunguza juhudi za kutengeneza sinema nzuri kwa ajili ya kupunguza gharama.

“Kama watu hatutajiami na kazi zetu tutakuwa ni waajabu. Kuna changamoto ambazo zipo lazima kama wasanii tuzikubali kweli tumefeli. Kwanza kabisa kutengeneza sinema zisizokuwa na nguvu, sasa hivi watu wengi hawapendi kutengeneza sinema zenye nguvu kwa sababu soko limeshuka,” amesema Myamba.

“Tunapunguza juhudi ili tusitumie hela nyingi. Lakini ukweli ni kwamba pale soko linaposhuka juhudi lazima ziongezeke kuweza kuliinua,” ameongeza.

Kwa sasa muigizaji huyo anamiliki chuo cha sanaa cha TFTC ambacho alikianzisha mwaka 2012.

 

Comments

comments


Unataka kutangaza nasi? Tumia namba ya simu hapo chini.

Please contact us: email : info@bongomovies.com or Mobile: +255 756 348 364