Nisha Awa Balozi wa New Hope Family Group

NISHA09

Msanii wa maigizo hapa nchini, Salma Jabu ‘Nisha’ (kushoto) akiwa na Mwenyekiti wa Kikundi hicho cha New Hope Family Group alipokuwa akisoma taarifa yake, Omary Kombe.

MSANII wa Filamu hapa nchini, Salma Jabu ’Nisha’ amekuwa Balozi wa Kikundi cha New Hope Family Group chenye makazi yake Kigamboni Dar kinachojihusisha na masuala ya kutetea watoto waishio katika mazingira hatarishi.

Hafla ya kumtambulisha msanii huyo imefanyika leo katika Ukumbi wa Idara ya Habari (Maelezo) ambapo mwenyekiti wa taasisi hiyo, Omary Kombe, amesema lengo kubwa la kumteua Nisha kuwa balozi wao ni kutokana na mtazamo wao kuwa kupitia sanaa yake ya maigizo anaweza kuwa balozi mzuri kwani atatumia kipaji chake hicho katika kufikisha ujumbe kwenye jamii.

NISHA87

Nisha (kushoto) akikabidhiwa kikapu na mwenyekiti wa kikundi hicho, Omary Kombe kuashiria kukabidhiwa madaraka ya kuwa balozi wao. Wanaoshuhudia pembeni na baadhi ya wanakikundi.

Amesema si tu kupitia sanaa 0yake, pia amejaaliwa kuwa na moyo wa upendo na huruma si tu kwa watoto waishio katika mazingira hatarishi bali hata katika jamii ya watu maskini na wanyonge ambapo kwa kipindi cha miaka mingi wamekuwa wakiona na kusikia msanii huyo kutembelea vituo vya watoto waishio kwenye mazingira hatarishi huku akitoa misaada mbalimbali.

Kwa upande wake, Nisha amefurahi uteuzi huo kutokanana na kuonekana mchango wake kwenye jamii ambapo alisema atahakikisha anatumia sanaa yake vilivyo katika kutoa elimu juu ya watoto waishio katika mazingira magumu pamoja na kuiasa jamii kutambua kwamba inayo wajibu wa kuwapatia mahitaji ya msingi watoto waishio katika mazingira hatarishi.

(Na Denis Mtima/Gpl)

Mcheki hapa Nisha akiwa kwenye ubora wake ndani ya Kiboko Kabisa

Comments

comments

Post Tagged with

Unataka kutangaza nasi? Tumia namba ya simu hapo chini.

Please contact us: email : info@bongomovies.com or Mobile: +255 756 348 364